Rreth Nesh

Shoqëria Benian Sh.a. është një shoqëri e specializuar në importin dhe tregtimin e autoaksesorëve dhe autokozmetikës. Shoqëria, e krijuar në vitin 1999 nga Anna dhe Arben Velija, e filloi veprimtarinë e saj si biznes i vogël, me importin dhe distribucionin e produkteve të markës Areon.  Me zgjerimin e aktivitetit, në vitin 2003 shoqëria u transformua në Shoqëri me Përgjegjësi të Kufizuar Benian Sh.p.k., dhe prej vitit 2018 në Shoqëri Anonime Benian Sh.a..                                                                                                                                                                                    

Sot, Benian Sh.a. është importues dhe distributor i brandeve lider të fushës së autoaksesorëve dhe autokozmetikës: AREON, AREXONS, PHILIPS, PETEX, AUTOSOCK, LEDENER,GLEDRING, GLIPART,  PETRONAS DURANCE, SVITOL, CAM, K2, NARVA, AUTOPRACTIC, AVTOKOMPLEKT, MOTOX,  LAMPA, etj, duke ofruar në të gjithë tregun shqiptar një gamë të gjerë produktesh nepërmjet shitjeve me shumicë, me pakicë dhe online.  

AVANTAZHET

Gjatë gjithë historikut të aktivitetit, ekipi i Benian ka punuar dhe vazhdon të punojë me këmbëngulje  për krijimin dhe konsolidimin e fizionomisë së shoqërisë si operator serioz në fushen e autoaksesorëve dhe autokozmetikës, duke u mbështetur fort në avantazhet që ka shoqëria ndaj operatorëve të tjerë të së njëjtës fushë:

• Importi i pjesës më të madhe të produkteve direkt nga prodhuesit, duke garantuar cilësinë e produkteve në vazhdimësi dhe çmimet më të mira.
• Përzgjedhja e brandeve më të mira të fushës, duke i ofruar klientëve produktet e prodhuesve më të njohur në Europë dhe në botë.
• Ekskluziviteti për brandet që përfaqëson Shoqëria, duke u garantuar klientëve origjinalitetin e produkteve dhe vazhdimësinë e pranisë së tyre në treg.
• Raporti i drejtë cilësi-çmim, duke krijuar siguri absolute tek klientet që marrin atë për të cilën kanë paguar.
• Gama e gjerë e produkteve, duke iu ofruar klientëve komoditetin e zgjedhjes midis më shumë se 6 000 kodeve të produkteve gjendje në magazinat e Shoqërisë.
• Shërbimi korrekt profesional, i shpërblyer me besimin dhe respektin përherë në rritje të klientëve. 

KLIENTËT

Mënyra e operimit në treg dhe gama e gjerë e produkteve, i ka krijuar mundësinë Benian Sh.a. të ketë një diapazon të gjerë klientësh:

Rrjete Hiper dhe Supermarketesh, Rrjete Pikash Karburanti, Dyqane Pjesësh Këmbimi, Dyqane Aksesorë Makinash, Dyqane DIY, Kompani Private, Institucione Shtetërore, Pika Servisi Makinash, Markete të të gjithë formateve, Kompani Rent a Car, Lavazhe Makinash,  etj.   

PARTNERËT TANË

Benian Sh.a. e konsideron avantazh dhe privilegj besimin e dhënë nga partnerët, për t’i përfaqësuar ato në tregun shqiptar.

Ekipi i Benian është i angazhuar maksimalisht për t’i shtuar listës së partnerëve emrat e tjerë të të njëjtit kalibër.